Tulang ibinahagi sa SARILI: Sa Ngalan ni Alejandro G. Abadilla (A Call for Contributions to the Ongoing FB Anthology #19: SELF & EXPERIMENTAL LIT) ni Alexander de Juan
Ako
ang aawit
ng aking sariling musika
Ako
ang maghahatid
ng mumunting saya
Ako
ang sasayaw
sa sariling tugtog
Ako
ang kekembot
sa mapanuksong tunog
Ako
ang Diyosa
ng nilikha kong mundo
Ako
ang guro
ng paaralan ko
Ako
ang hamog
sa sariling langit
Ako
ang letra
ng nilikha kong titik
Ako
ay
Ako
Hindi ikaw o kahit sino
Ako
ay
Ako
ng kumplikadong mundo
3 komento:
magaling, magaling aking kaibigan
pambihira ka ngang nilalang
dahil ikaw ay walang kagaya man
kahit nasa kumplekadong sanlibutan
masaya ako para sa yo aking kaibigang wallei..
ang importante kilala mo ang iyong sarili..
ikaw ay ikaw nga at walang makakuha
sa iyong identity
mahal ka ng iyong mga kaibigan lalo na ng Diyos, yun ang importante
Salamat po sa inyo. Salamat Ate Nette sa pagdalaw sa site ko.
Mag-post ng isang Komento