Sa iyong mga mata itinatago ang lihim
Na siyang katanungang
Matagal nang hinihintay
Paano mahahanap ang kasagutan
Kung ikaw mismo ay nagtatago
Sa likod ng mga tanong
Sa pagitan ng iyong mga mata
May nakakubling hiwaga
Pilit hinahabi ng mga mapaglarong diwa
Nasaan ang kinikimkim na mga tanong
Ilahad ang bawat katagang nasasaloob
At bigyang laya ang damdaming nilulumot.
Walang komento:
Mag-post ng isang Komento